هله ده عاشیقینم

 

سن دئدین کئچسه زامان عشقیمی باشدان آتاجاقسان

 

اونودوب سئوگیمیزی آیریسینا سن چاتاجاقسان

 

ایندی دوزدور گئجه گوندوز منیم عشقیمده یانیرسان

 

گله جک ده باشقا سئودا اودونا چوخ یاناجاقسان

 

سن دئدین کی لیلی مجنون تکجه افسانه لرین دی

 

منی تئز گئج اوتوروب سن اوزگه لرله قالاجاقسان

 

کئچیب آیلار ، کئچیب ایللر ، هله ده عاشیقینم من

 

هانی او سن دئدیین کی منی گؤزدن سالاجاقسان ؟

 

یار بیلیردین نفسیمسن ، آیریلاندا دئمه دین هئچ

 

ای دلی سن نفسین پس منسیز هاردان آلاجاقسان ؟

 

تاپا بیلمم سنه تای نازلی نیگار یوخ تاپا بیلمم

 

بیلمیرم سن منه تای عاشیقی هاردان تاپاجاقسان ؟؟؟

 

شاعیر : وحید شکرزاده